Баланың жүрегіне УДЗ жасауға көрсетулер:

• Егер педиатр қаралу барысында балаңыздың жүрегін тыңдап, шуылды естісе, онда ол Сізді экокардиографияға (жүректің УДЗ) бағыттайды.
• Егер Сіз өзіңіз балаңыздың жүрек аймағындағы дірілдеуді сезсеңіз – маманға хабарласыңыз.
• Егер бала жүректің ауданында сыздап бара жатқан, мазасыздандыратын, шаншитын ауырсынуға шағымданса – ең жақсысы сақтық жасап эхокардиографиядан өту.
• Егер нәресте нашар емсе, балаға эхокардиография қажет болуы мүмкін (мұнда алдымен дұрыс емес ауыздандыру мәселелерін жоққа шығару қажет - осы туралы педиатрдан кеңес алыңыз). Сондай-ақ, бала аузының айналасындағы тері түсіне назар аударыңыз. Әдетте, жүрек проблемалары бар болған кезде, жылағанда немесе емгенде сәбилердің мұрын-ерін үшбұрышының көгеруі байқалады. Бұл өте тән белгі.
• Егер Сіз кейде баланың қолдары мен аяқтары ешқандай себепсіз салқын болып жатқанын сезсеңіз – алаңдаудың жөні бар.
• Егер бала естен танып қалса (тіпті денесіне көп күш түссе де), эхокардиографияны жасап, жүрек-қан тамырлары ауруларының мүмкіндігін жоққа шығару қажет.
• Тез шаршағыштық, терлеудің жоғарылауы, жасына сай салмақтың жетіспеушілігі – бұлардың барлығы жүрек проблемаларынан туындауы мүмкін, ендеше эхокардиография тағайындалады.
• Баланың жиі пневмониясы да жүрек ауруына байланысты болуы мүмкін.
• Егер Сіздің отбасыңызда ауыр жүрек патологиялары бар туыстарыңыз болса, онда тұқым қуалайтын аурулардың дамуына жол бермеу үшін, егер олар туындаған жағдайда, балаға жылына кемінде бір рет ЭХО КГ жасаттыру қажет.
• Біздің елімізде қабылданған нормаларға сәйкес, 1 жас аралығындағы әрбір бала жоспарлы диспансерлеу шеңберінде кардиолог маманынан алдын-ала ЭХО КГ және ЭКГ (электрокардиограмма) жасатып, кеңес алу қажет.